მასწავლებელი სთხოვს მოსწავლეებს, ჩაწერონ ნახ.1-ზე გამოსახული ფიგურის ერთი ფერით გაფერადებული ნაწილების შესაბამისი წილადები, შემდეგ ნახ.2-ის მიხედვით მოსწავლეები ასრულებენ იმავე დავალებას. შემდეგ მოსწავლეებმა უნდა შეადარონ ორივე ნახაზზე ერთი ფერით გაფერადებული ნაწილები და გამოთქვან  ვარაუდი (2/5 = 4/10). შემდეგ მასწავლებელი სთხოვს მოსწავლეებს, თავად აირჩიონ რაიმე ფიგურა, დაყონ ის ჯერ ოთხ ტოლ ნაწილად, გააფერადონ ¾ ნაწილი, შემდეგ ისეთივე ფიგურა დაყონ 8 ნაწილად და გააფერადონ 6/8 ნაწილი და შეადარონ ერთმანეთს. დააკვირდნენ პირველ და მეორე შემთხვევებში მიღებულ ტოლობებს და გააკეთონ დასკვნა.